Occitània

Occitània es un pais  qu ‘es un pauc  conegut. Occitània , qu’es aquò ? Es en Euròpa, dins l’estat francés, e 2 bocins dins l’Estat espanhòl e dins l’estat italian. S’i parla occitan. L’occitan s’es fabricat gràcias al latin.

Occitània es un pais de montanhas (los Alps, los Pirenèus, e lo Massis Septentrional) e de planas e planòls ; i a tanben plan de caunas. Es entre la Mar Mediterranèa e l’Ocean Atlantic.

Occitània a 20 milions  d’abitants per una superficia de 200.000km2. Quinas son las « capitalas » d’Occitània ? Las capitalas son : Tolosa, Bordèu, Marselha, Albi, e Montpelhièr.

Aqui de croses occitanas :

Yonas, Alycia

Read Full Post »

L’estadi de Tolosa

L’estadi de Tolosa de fot a 65000 plaças e un balcon de 2000 plaças e quaranta pòrtas de dintrada.  L’escut es TFC= Tolosa Fotbal Club amb las colors  violet  e blanc.

A costat,  i a l’estadi de rugbi e lo terren de pelòta basca.

Es estat inaugurat en 1937.

ANTONIN

Read Full Post »

Tolosa

Segonda vila d’Occitània (e quatrena vila de França), traversada  per Garona e  lo Canal de las Doas mars, Tolosa es la prefectura de Garona Nauta e de la region de Miègjorn-Pirenèus.  Son escais  es  » la vila Ròsa » a causa de la color del principal material de construccion tradicional local: la brica de tèrra còita.

Dins lo passat, se disia tanben la Ciutat Mondina, per`çò que los comtes de Tolosa se sonavan sovent Raimon (o Raimond).

Un estatjant es un tolosenc, una tolosenca (o tolosan -a, tolzan -a).

Sus la fotografia, es la plaça del Capitòli, la nuèit.

Pèire, Suzon, Manon, Pierre

Read Full Post »

L’ostal d’Occitania

Bonjorn correspondents,

Quant anèrem  a Tolosa, visitèrem l’Ostal  d’Occitània.

L’Ostal d’Occitània es un centre cultural occitan de Tolosa, dins los locals renovats de l’ostal de Boisson al 11, carrièra de Malcosinat. L’inaugurèron lo 16 de decembre de 2006. Los lòcs son en realitat dos ancians ostals particulars: los ostals dits de Boisson e de Cheverrí. De còps, a l’Ostal d’Occitània  s’i debanan de concèrts.

L’Ostal d’Occitània a una facada de l’estil gotic, que se vei pas aqui. I a una pichona cort, un pati interior, amb un endreit cobèrt ont se debanan los concèrts.

Adieussiatz,

Zoéline.

 

Read Full Post »

Lo mètro de Tolosa

Bonjorn correspondents,

A Tolosa, i a un mètro. Las òbras del mètro comencèron en 1989 e la linha A dubriguèt cinc ans mai tard, en junh de 1993. Un grand càmbiament del malhum dels autobuses  foguèt faita al meteis temps.

En 1997, se decidiguèt l’alongament de la linha A; las òbras comencèron en 2001 e l’inauguracion se faguèt a la fin de 2003. Puèi la linha B foguèt inaugurada a la fin de 2007.

La Linha A a 18 estacions e 12,5 km d’extension. S’estend a partir del centre comercial de Balmar (Balmar-Gramont) en traversant Tolosa, fins a l’estacion de Bassacamba.

La linha B ten 20 estacions e 15 km d’extension.

I a una anoncia sonòra del nom de l’estacion abordada abans l’arribada de la rama al cai, e tanben a la partença i a un anonci sonòr de l’estacion venenta. Lo nom de las estacions es anonciat en francés, e dempuèi setembre 2009 tanben en occitan. Dins las ramas VAL 208, lo nom de l’estacion venenta e las correspondéncias d’autobuses son afichats  sus un panèl de diòdas.

Aqui qualques causas sul mètro de Tolosa.

Adieussiatz, al còp que ven.

Read Full Post »

lo capitòli

Bonjorn amics !

La plaça del Capitòli es situada al centre de la vila de Tolosa, fàcias al Capitòli del meteis nom.

La plaça mesura 12 000 m² e conten pas cap de construccion levat la preséncia pel sòl d’una representacion de la crotz occitana. La construccion de la plaça decidida pels consols, foguèt pas acabada qu’al mitan del sègle XIX. De trabalhs foguèron menats per Jean-Pascal Virebent per uniformizar los bastiments enrodant la plaça. Al nòrd de la plaça se trapa la carrièra del Taur, al sud la carrièra Sant Roma e la part oèst dona sus las famosas arcadas.

 

Read Full Post »