Feeds:
Articles
Comentaris

Posts Tagged ‘cauna’

La Boisha

la rivièra de la boisha 1

La Boisha es situït a 6 km de Foix, sus la rota D1. Es en agost de 1908 que debutan las primièras recèrcas. La persona que dirigissiá las òbras èra lo sénher Dunac,èra un foishenc. Èra acompanhat per sos dos filhs e dos òmes per l’ajudar. Las recèrcas se faguèron de 1909  a 1912 amb l’ajuda d’un espeleològ Edouard-Alfred Martel . En 1935 Paul Salette e lo sénher Cremadells descobriguèron 3 000 m de

la rivièra de la boisha 2

riu mas foguèron blocats per un endreit. Paul Salette decidiguèt d’amenatjar lo riu per lo dubrir al public. Podèm visitar lo riu dempuèi 1938.

Pendent la visita, podèm percórrer 1 km e 500 dins una barca, nos trobam a 60 m en dejós de la tèrra. La temperatura i es de 13 grases.

Es lo riu josterranh visitable mai long d’Euròpa. La ròca es de calcari. Pendent la segonda guèrra mondiala, coma la Boisha èra tampada, faguèron d’autras recèrcas arqueologicas etrobèron de vestigis de la preïstòria : utisses,armas… E trobèron de vestigis galloromans.

la rivièra de la boisha 5

Thomas

Read Full Post »

La cauna de la Boisha

Situada dins Arièja, als pès dels Pirenèus, la cauna de La Boisha es una remirabla ret sosterranha, percorreguda per un riu.  Se percor en barca (1,5 km de long), es lo riu sosterranh navegable dubèrt al public mai long d’Euròpa e es fòrça agradiu de visitar pr’amor de las estalagtitas e las concrecions.

I trobèron tanben d’ustensils e d’armas de silèx, còrns de rèns, e plaquetas de ceramica que representan leons, cervids e tanben de bisons modelats dins l’argila.

        Iouri Moulin

Read Full Post »

Bonjorn amics !

Los ostals trogloditics son de bastiments enquastrats o cavats dins de rancaredas (o bauces : de penjals plan reddes, sovent verticals). Pòdon èsser de fòrts, o de castèls.

Vos anam presentar un siti del Peirigòrd negre nommat :

La ròca de Sent Cristau

Aqueste bauç salvatge, naut de 80 mètres al dessús de la Vesera, es al còp un prodigi de la natura e un tresaur de la civilizacion.

Aquel endreit excepcional es classat Monument Istoric. La cosina, los lòcs de cult, los aparelhs ingenioses, que son encara en estat de foncionament, tot es plan reconstituït e explicat, çò que fa d’aquel vilatge trogloditic una mena de libre dubèrt sus 55000 ans de practicas umanas.

 

Adieussiatz los amics !

Escrit per : Théo, Valentin, Suzon e Estebân.

Read Full Post »

Visitar l’Arièja

Una part del departament d’Arièja es la montanha : los Pirenèus, e lo pic mai naut es lo mont Valièr.

I a 3500 caunas en Arièja : i a caunas pichonas e grandas caunas, la mai bèla d’ Euròpa es Lombriva. N’ia plan d’autras, fòrça visitadas per çò qu’i a de pinturas o d’escalpraduras : las de Nhaus, pròche de Tarascon, de La Vaca, la del Mas d’Asil… La de Nhaus se pòt pas pus tròp visitar, alavetz ne fabriquèron una còpia pas luènh amb un musèu e plen d’activitats : se sona lo Pargue de la Preïstòria. I a tanben mantunes dolmèns (e pèiras levadas) e de tombas d’òmes preïstorics.

Lo castèl de Foish es pas en roïnas, es estat restaurat. Es fòrça polit sus son pic e fòrça mond lo visitan. Un autre castèl d’Arièja plan famos  es lo castèl de Montsegur : èra un castèl catar e a la fin de la crosada contra los Catars, los crosats lo conquistèron.  Ara demòra pas que qualques roïnas del castèl que los franceses construiguèron apuèi.

A Masèra, i a un « domèni dels ausèls » : son de lacs pichons que plen d’ausèls migrators s’i arrèstan. I a de pòstes d’observacion per observar sens los desrengar los ausèls : tirons, cambaruts, aucas, cigonhas… I trobam plan d’entressenhas suls ausèls migrators.

Escrit per Pèire B amb l’ajuda d’Aimeric e Lucas

Read Full Post »