Feeds:
Articles
Comentaris

Posts Tagged ‘castèl’

castèl de Lordat

A 956 mètres d’altitud, quilhat sus un puèg rocos dominant la val d’ Arièja;  lo castèl de Lordat  aculhis 35 ausèls rapinhaires. Los ausèls mai importants son : un falcon  pelegrin, un voltor, un milan reial,  un milan negre,  una agla  reiala …

agla 2

Es a Lordat, en Arièja, entre Foish e la Vila d’ Ax.

Vitalis

Read Full Post »

Amics,vos presentam la ciutat de Carcassona.

Es un castèl de l’Edat mejana qu’es fòrça grand. Es estat renovat per Violet  le Duc. I a de botigas dins lo castèl. I a d’espectacles e de grops de musica dins la ciutat.

Lo castèl se tròba al sud de la vila, es un castèl del sègle XII. I a en tot 51 tors e plen de muralhas. Sul costat oèst, autres còps, lo mai vulnerable, se tròba una sola pòrta, e darrièr s’adreita una tor « tresaur » que fasia partida del sistèma defensiu.

Las muralhas qu’enròdan la ciutat son las mai complètas de l’Edat Mejana.

Vos aconselham de l’anar visitar.

Aimeric, Antonin, Iouri, Estébàn

Read Full Post »

Castelar

Es una mena de puèg (pichona sèrra o còla) just a costat de la catedrala e de l’ostal de la comuna. Ara, es un lòc de passejadas, de fèsta : i a de camins entre los arbres per i pujar, e a la cima, un espaci bèl per jogar o se pausar. I anam de còps, passam per un camin fait de còdols que se ditz « crabotin » o camin de las crabas. D’amont, vesèm fòrça plan la vila tota, los campanals e l’usina metallurgica, e de l’autre costat, las montanhas.

Aqueste endreit se ditz le castellar per çò qu’autres còps, a l’edat mejana, i èra le castèl.

Read Full Post »

Visitar l’Arièja

Una part del departament d’Arièja es la montanha : los Pirenèus, e lo pic mai naut es lo mont Valièr.

I a 3500 caunas en Arièja : i a caunas pichonas e grandas caunas, la mai bèla d’ Euròpa es Lombriva. N’ia plan d’autras, fòrça visitadas per çò qu’i a de pinturas o d’escalpraduras : las de Nhaus, pròche de Tarascon, de La Vaca, la del Mas d’Asil… La de Nhaus se pòt pas pus tròp visitar, alavetz ne fabriquèron una còpia pas luènh amb un musèu e plen d’activitats : se sona lo Pargue de la Preïstòria. I a tanben mantunes dolmèns (e pèiras levadas) e de tombas d’òmes preïstorics.

Lo castèl de Foish es pas en roïnas, es estat restaurat. Es fòrça polit sus son pic e fòrça mond lo visitan. Un autre castèl d’Arièja plan famos  es lo castèl de Montsegur : èra un castèl catar e a la fin de la crosada contra los Catars, los crosats lo conquistèron.  Ara demòra pas que qualques roïnas del castèl que los franceses construiguèron apuèi.

A Masèra, i a un « domèni dels ausèls » : son de lacs pichons que plen d’ausèls migrators s’i arrèstan. I a de pòstes d’observacion per observar sens los desrengar los ausèls : tirons, cambaruts, aucas, cigonhas… I trobam plan d’entressenhas suls ausèls migrators.

Escrit per Pèire B amb l’ajuda d’Aimeric e Lucas

Read Full Post »