Feeds:
Articles
Comentaris

Archive for Març 2010

Adieu paure Carnaval

Sénher Carnaval es estat jutjat, condemnat, e ara crema ! Sèm contents, mas tanben un pauc tristes, qu’es la fin de la fèsta. Cantam :

« Adieu paure, adieu paure,

adieu paure Carnaval !

Tu te’n vas e ieu demòri,

ieu demòri e tu te’n vas,

per manjar la sopa a l’òli,

per manjar, la sopa a l’alh ! »

A l’an que ven, sénher Carnaval !

Read Full Post »

Las doas autras classas de l’escòla avian fabricat una monaca que representa Sénher Carnaval o Caramentrant. Lo passegèrem pendent lo passa carrièra, puèi lo pausèrem sus un cadieràs al bèl mièg del bacin del pati e aqui ausiguèt de tot ! L’acusèrem de tot çò que va pas dins lo mond, dins l’escòla, e quitament de causas inventadas ! De mainatges parlavan per sa desfensa, mas malgrat aquò, foguèt condemnat a èsser cremat. Es totjorn atal dins nòstra escòla ! Amb sa desaparicion, benlèu que tot lo mal e totes los problèmas desapareisson tanben…

Carnaval es una granda fèsta gaujosa, per çò qu’aprèp comença lo periòde de Quaresme e que lo mond poiràn pas pus manjar de carn. Ara, i a pas pus grand mond aici que respècta aquestas practicas religiosas.

Carnaval es tanben la fèsta quand arriba la prima.

Read Full Post »

De costuma, festejam Carnaval lo jorn de Dimars gras, mas ongan èra pendent nòstras vacanças. Doncas, faguèrem la fèsta lo divendres 5 de març. Èrem totis travestits, e mai nos faguèrem de mascaratges (de dessenhs sus la cara). Cap a 15h00, faguèrem un passa carrièra dins lo barri de l’escòla, en cridant, fiulant, en cantant las cançons de Carnaval, en far de brut e en nos fasent plan remarcar ! Es domatge, ongan aviam pas de confètis, las autras annadas n’aviam e es plan amusant de n’escampar sus tot lo mond. En dintrant a l’escòla, faguèrem lo jutjament de l’òme Carnaval, puèi aprèp sa condemnacion, un bon vespralh !

Read Full Post »

La dòna dels archius nos mostrèt de pergamins : son de pèls de bèstia que servissian de papièr. Lo que vesètz sus la fotografia es excepcional per sa longor : es fait de mantunes pergamins pegats e cosuts los uns en seguent los autres. Mesura 3 mètres 60 de long !

Es una còpia (suls originals, i auria agut de sagèls de cera) dels Privilègis de la ciutat de Pàmias : es a dire qu’es la tièra de totes los dreits dels abitants de la ciutat. Datan de 1395. Son escrits en latin. L’escritura, faita a la pluma, es pas de bon legir, mas avèm reconegut mantunes mots, coma « ciuitatis appamiarum » que vòl dire ciutat de Pàmias.

Aqui dejos, vos ajustam un extrait e benlèu que sauretz legir qualques mots ! Podètz tanben remirar la letra iniciala (es una « i »).

    

Read Full Post »

 

Dimars 9 de març, anguèrem a la comuna de Pàmias : anèrem dins la sala del Conselh.

La dòna Torres (documentalista del servici dels archius) nos mostrèt de pergamins e de manuscrits de l’Edat Mejana. Lo document escrit mai ancian dels archius comunals data de 1229.Dins la sala del Conselh municipal, i a fòrça veirinas amb d’objèctes, i a de bandièras, de pinturas, d’estatuas, la fotografia del president de la Republica de França e una maqueta d’una veitura anciana plan polideta. Sus las taulas dels conselhièrs, i a una toalha roja e de microfòns.

Nos installèrem a aquestas taulas per trabalhar, amb de cadierasses plan mofles e confortables !

 

 

 

Èrem pas nombroses, que la velha i aguèt una fòrta nevada.

Sus la fotografia, vesètz benlèu qu’i a d’estalactitas (de candèlas) de glaça que penjan  de las brancas de la platana.

Read Full Post »

Ja hem acabat el video!

Amics de la Calandreta. Hem acabat el video que volem enviar al concurs. Us l’enviem primer a vosaltres per tal que ens dieu si us agrada.

Read Full Post »

Neu a Badalona

Hola amics de la Calandreta de Pàmias. L’altre jornada ens ensenyàveu unes fotos de Pàmias nevat i ens deieu que no havieu anat a l’escola. Nosaltres vàrem tenir molta enveja i us deiem que ens agradaria veure Badalona nevat. Això és molt difícil perquè aquí no neva mai. Estem al costat del mar, a 8 mts. d ‘alçada. Doncs ahir va nevar, i molt!. Mireu el vídeo de la nevada. Avui no hem fet escola. Estem molt feliços de poder jugar amb la neu.

Read Full Post »